راح اتكلم اليوم عن ماركه مفضله عندي , انوثه بكل ماتعنيها الكلمه وغالبا ماتكون مجموعاتها تنبض بالالوان وبما انها اطلقت لاين جديد SATURDAY قلت اتكلم عنها . اول شي راح اعرفكم على كايت سبايد للناس الي اول مره يسمعون فيها .
البداية :
اطلقت كايت سبايد وجويل فرانكل في عام 1993 في نيويورك **kate spade handbags** واللي كانت شنط فقط ومن بعدها بدوا بالانتشار وتوسعة منتجاتهم , ففي عام 2004 اطلقوا **kate spade at home** تشمل كل شي له علاقه بالمنزل من ورق
الجدران ومستلزمات الغرف وغيره . وافتتح اول محل لهم في مدينة نيويورك عام 1996
يعجبني كل شي عندهم من فساتين شنط هيلز فلات حتى اكسسواراتهم حلووه , وبما انو بدايتهم كانت بالشنط راح اعرفكم على شنطهم ,, اللي خلاني احب هالماركه غير الالوان الجميله وبساطة التصاميم انها تستاهل كل ريال ادفعه فيها ,جوده !! كان عندي شنطه منهم استخدمتها للجامعه لمدة سنه كامله احط من ذا الكتب فيها وارميها بكل مكان (مو ارميها بس ماكنت مره اهتم وين احطها وطبعا جونا الجميل الارض دايما مليانه تراب ) وصراحه الله يجزاها خير تحملتني .
اخر مجموعة نزلت هي عباره عن شنط مصنوعه من النايلون خفيفة الوزن مناسبه للصيف
مجموعه من الشنط الي عجبتني عندهم :
تلاقي اللونين بالحجم الصغير والكبير
فيه منها لون ابيض جدا جدا جميل وفيه احمر
فيه منها بني واسود واورنج وموف
فيه منها لون اسود واحمر
هذي عجبتني مرره وحاطتها ببالي
عندهم مجموعة شنط جدا جميله وراح احط رابط الموقع للناس الي حابين يشوفون موديلات ثانيه لانو صعبه احط كل الصور بتكون كثيره .
وهذي صور لبعض المحافظ الي عندهم , الوانها مميزه واشوف انها تصلح تقدمينها هديه
SATURDAY
اطلقت كايت سبايد لاين جديد اسمه ساتيرداي وهو بكل اختصار يقدم روح كايت سبايد لكن باقل الاسعار
وصراحه الشي الي حمسني فيه الملابس ,تعجبني الوان كايت سبايد وقصاتها بالفساتين بس اشوف انو حرام ادفع مبلغ وقدره على شي ماراح البسه الا كم مره ,وهذا الي خلاني اعششق اللاين الجديد .ومن الاشياء الي لفتت انتباهي ورا كل لون كل طبعه على اقمشتهم قصه ويعرضونها لك بطريقة حلوه في نهاية كل صفحه من منتجاتهم . راح انزل لكم مقتطفات من المجموعه
COLOR IT IN
خدمه ممتعه في موقعهم تقدري تصممي وتلوني منتجاتهم زي ماتبي
.مجموعة الـــF.Y.I
فكره حلوه جدا,,, كيف تقدري تستخدمي منتج واحد بعدة طرق , مثلا تشتري منهم شطه تقدري تخليها شنطه عاديه على الكتف وتقدري تحولينها لكلتش (شنطة يد صغيره )
اخر شي اقدر اقوله ان هالماركه تجيب لي السعاده وانصحكم اذا مسافرين تمرون على محلها جدا جدا ممتع يفتح النفس بالوانه وديكوره
ليست هناك تعليقات:
إرسال تعليق